శ్రీ రాముని చరితమును - లవకుశ

శ్రీ రాముని చరితమును తెలిపెదమమ్మా 

ఘన శీలవతి సీత కథ వినుడోయమ్మా ||౨||

చెలువమీర పంచవటి సీమలో

తమ  కొలువ చేయ  సౌమిత్రి ప్రేమతో 

తన కొలువ తీరే రాఘవుడు భామతో....

శ్రీ రాముని చరితమును తెలిపెదమమ్మా 

ఘన శీలవతి సీత కథ వినుడోయమ్మా

రాముగని ప్రేమగునే రావణు  చెల్లి 

ముకుచెవులు  కోసె సౌమిత్రి రోసిల్లి 

రావణుడా మాట విని పంతము పూని 

మైథిలిని కొనిపోయే  మాయను పన్నీ.....

శ్రీ రాముని చరితమును తెలిపెదమమ్మా 

ఘన శీలవతి సీత కథ వినుడోయమ్మా

రఘుపతిని రవిసుతుని కలిపెను హనుమా

నృపుచేసెను సుగ్రీవుని రామవచన మహిమా

ప్రతిఉపక్రుతి చేయుమని పలికెను కపులా

హనుమంతుడు లంకచేరి వెతెకెను నలుదిశలా ...

శ్రీ రాముని చరితమును తెలిపెదమమ్మా 

ఘన శీలవతి సీత కథ వినుడోయమ్మా

అ అ అ అ నాథ అ అ రఘు నా.. థా.. 

పా..హి పా..హి 

పాహిఅని అశోకవనిని శోకించే సీత  ||౨||

దరికిజని ముద్రికనిడి  తెలిపె  విభునివార్త

ఆ జనని శిరోమణి అందుకునే పావని ||౨||

లంకకొచ్చి రాముని కడకేగెను రివు రివ్వు మని 

శ్రీ రాముని చరితమును తెలిపెదమమ్మా 

ఘన శీలవతి సీత కథ వినుడోయమ్మా

దశరథ శూనుడు లంకను దాటి దశకంఠు తల కోసి  ||౨||

ఆతని తమ్ముని రాజును చేసి సీతను తెమ్మని పలికే 

చేరవచ్చు ఇల్లాలిని చూసి శీలపరీక్షను  కోరె  రఘుపతి 

అయో నిజపైనే అనుమానమా....

ధర్మమూర్తి రామచంద్రుని ఇల్లాలి కా ఈ పరీక్ష ......

పతి ఆనతి తలదాలిచి అగ్ని దూకె సీత 

హుతవాహుడు చల్లబడి శ్లఘించెను మాత ||౨||

సురలు పొగడ ధరనిజతో పురికి తరలెను రఘునేత 

శ్రీ రాముని చరితమును తెలిపెదమమ్మా 

ఘన శీలవతి సీత కథ వినుడోయమ్మా

ఘన శీలవతి సీత కథ వినుడోయమ్మా వినుడోయమ్మా... వినుడోయమ్మా... 

శ్రీ రాఘవం దశరాథాత్మజ  మప్రమేయం 

సీతాపతిం రఘుకులాన్వయ రత్నదీపం 

ఆజాను బాహు అరవింద దళాయ తాక్షం 

రామం నిశాచర వినాశకరం నమామి .....