రాయినైనా కాకపోతిని రామ పాదము సోకగ
బోయ నైన కాకపోతిని పుణ్య చరితము పాడగా
రాయినైనా కాకపోతిని రామ పాదము సోకగ
బోయ నైన కాకపోతిని పుణ్య చరితము పాడగా
పడవనైనా కాకపోతిని స్వామి కార్యము తీర్చగా
పాదుకైన కాకపోతిని భక్తి రాజ్యమునేలగా
అడవిలోపల పక్షినైతే అతివ సీతను కాచనా
అందువలన రామచంద్రుని అమిత కరుణను నోచనా
అడవిలోపల పక్షినైతే అతివ సీతను కాచనా
అందువలన రామచంద్రుని అమిత కరుణని నోచన
కడలి గట్టున ఉడతనైతే బుడత సాయము చేయనా
కాలమెల్లా రామభద్రుని వేలి గురుతులు మోయనా
రాయినైనా కాకపోతిని రామ పాదము సోకగ
బోయ నైన కాకపోతిని పుణ్య చరితము పాడగా
కాకినైన కాకపోతిని ఘాతకమ్మును చేయుచూ
గడ్డిపోచను శరము చేసే ఘనత రాముడు చూపగా
కాకినైన కాకపోతిని ఘాతకమ్మును చేయుచూ
గడ్డిపోచను శరము చేసే ఘనత రాముడు చూపగా
మహిని అల్ప జీవులే ఈ మహిమలన్నీ నోచగా
మనిషినై జన్మించినానే మత్సరమ్ములు రేపగా
మద మత్సరమ్ములు రేపగా
పడవనైనా కాకపోతిని స్వామి కార్యము తీర్చగా
పాదుకైన కాకపోతిని భక్తి రాజ్యమునేలగా
రాయినైనా కాకపోతిని రామ పాదము సోకగ
బోయ నైన కాకపోతిని పుణ్య చరితము పాడగా
No comments:
Post a Comment