స్వర్ణ కమలం - అందెల రవమిది

గురు బ్రహ్మ గురుర్విష్ణుః
గురు దేవో మహేశ్వరః , గురుసాక్షాత్ పర బ్రహ్మ , గురుసాక్షాత్ పర బ్రహ్మ
తస్మై శ్రీ గురవే నమః

ఓం నమో నమో నమః శివాయ
మంగళ ప్రదాయ గోతురంగతే నమః శివాయ
గంగయాతరంగితోత్త మాంగతే నమః శివాయ
ఓం నమో నమో నమః శివాయ
శూలినే నమో నమః కపాలినే నమః శివాయ
పాలినే విరంచితుండ మాలినే నమః శివాయ

అందెల రవమిది పదములదా
అందెల రవమిది పదములదా, అంబరమంటిన హృదయముదా
అందెల రవమిది పదములదా, అంబరమంటిన హృదయముదా
అమృత గానమిది పెదవులదా అమితానందపు యద సడిదా

సాగిన సాధన సార్ధకమందగ యోగ బలముగా యాగ ఫలముగా
సాగిన సాధన సార్ధకమందగ యోగ బలముగా యాగ ఫలముగా
బ్రతుకు ప్రణవమై మ్రోగుకదా

అందెల రవమిది పదములదా

మువ్వలు ఉరుముల సవ్వడులై మెలికలు మెరుపుల మెలకువలై
మువ్వలు ఉరుముల సవ్వడులై మెలికలు మెరుపుల మెలకువలై
మేను హర్ష వర్ష మేఘమై వేణి విసురు వాయు వేగమై
అంగ భంగిమలు గంగ పొంగులై
హావ భావములు నింగి రంగులై
లాస్యం సాగే లీల రస ఝరులు జాలువారేలా
జంగమమై జడలాడగా , జలపాత గీతముల తోడుగా
పర్వతాలు ప్రసరించిన పచ్చని ప్రకృతి ఆకృతి పార్వతి కాగ

అందెల రవమిది పదములదా, అంబరమంటిన హృదయముదా
అమృత గానమిది పెదవులదా అమితానందపు యద సడిదా
అందెల రవమిది పదములదా, అంబరమంటిన హృదయముదా

నయన తేజమే నకారమై
మనో నిశ్చయం మకారమై
శ్వాస చలనమే శికారమై
వాంచితార్ధమే వకారమై
యోచన సకలం యకారమై

నాదం నకారం మంత్రం మకారం
స్తోత్రం శికారం వేదం వకారం యజ్ఞం యకారం
ఓం నమః శివాయ

భావమే భువనకు భావ్యము కాదా
భరతము నిరతము భాగ్యము కాదా
సుహిల గిరులు తరిగేల తాండవ మాడే వేళ
ప్రాణ పంచమమే పంచాక్షరిగా పరమ పదము ప్రకటించగా
ఖగోళాలు పదకింకిణులై పది దిక్కుల ధూర్జటి ఆర్భటి రేగ

అందెల రవమిది పదములదా, అంబరమంటిన హృదయముదా
అమృత గానమిది పెదవులదా అమితానందపు యద సడిదా